人既步伐越來越快, 快到回想自己做過d咩都唔係好記得, 只係記得要快快快...... 感受呢? 完全無~

睇到新聞報導一個關於慢活既話題, 原來倫敦人現在興起慢活既熱潮, 而倫敦既一名記者Carl Honore 亦出左本書«In Praise of Slow» 講關於多個國家慢活既生活運動, 有機會都買黎睇下先~

其實香港地可唔可以實行慢活呢?

試想下香港人每日的生活:

每一日,  趕住起身返工, 趕住追巴士, 返到公司, 又趕住meet dealine, 放工後, 又趕住佳人有約, 約會完之後, 又趕住返屋企訓覺~

唔知你地有冇試過, 行路行慢幾步都會被後面既人抱怨, 話你阻住條路~ 

2009年又差不多過左4個月啦, 年頭寫既Planning list, 你又完成左幾多呢?

睇返我自己個list, 原來我都有一樣野完成左wor...... 就係參加左攝影比賽~

參賽唔係為攞獎, 只係為左了自己一個心願, 叫做盡力做過啦~

其實我個list好長, 好多野, 真係要加把勁先, 盡力完成, 唔好令自己後悔~

人生, 只是匆匆幾十年, 真係好快過~

我覺得做人要好好享受人生, 身邊有好多東西值得你去細心欣賞, 多些關心家人, 關心朋友, 關心自己, 注重健康~

每天感恩, 你的人生會充滿驚喜~

相關文章:  就讓蝸牛帶我去散步