今日又係毫無心理準備去睇«怪誕隨意門 Coraline», 入場前完全唔知劇情, 只覺得應該同«怪誕城之夜»相類似~

講真, 人物不是太吸引, 因為唔夠cute, 但3D版又有點特別, 而劇情既下半段令人有點驚喜~

(內有劇情)

睇到怪誕呢兩個字, 應該屬於黑色劇種, 頭半場, 除左有度隨意門去另一世界之外, 好似無咩黑色野發生, 而另一世界仲要係好完美個隻, 令我完全推敲唔到呢套戲劇情既發展, 心諗呢套戲真係比小朋友睇啱d wor~

不過另一世界既人物都令人有點心寒, 因為佢地既眼睛係用鈕扣做成既~

劇情講述Coraline與父母搬到新屋居住, 無意中發現有一扇小門可以去到另一個世界, 找到她的另一個爸爸媽媽, 得到先所未有既溫情, 一切變得好理想, 好完美~

但如果她想繼續享有這另一個家, 便要完成這個媽媽的一個要求.....

黑色劇情便由此展開~

估唔到睇到後半段會有緊張既感覺, 加上3D版本, 加強了真實感~

另一媽媽變返原本既形象都有點恐怖, 我唔係咁明白點解Coraline 個朋友要側頭, 而另一世界的他又好慘?

我覺得都好ok, 但如果小朋友去睇可能夜晚會發惡夢~