廚神? 係呀, 我呢個地獄廚神好內無同大家見面, 係時候出山再楂下鑊鏟, 今日適逢係母親節, 諗住整返幾味比至愛既母親大人試下啦~

今次既挑戰都幾大, 因為我唔止整一味菜式, 而係成餐飯都係我整......

到底成唔成功? 又有咩笑料出現?

有興趣既請繼續收看.......

地獄廚房, 煮左先講~

Here we go~

今次諗住煮既菜式計有: 愛心炒牛肉 (菜心炒牛肉), 白"桌"蝦, 豆腐粟米羹~

得兩味菜式就緊係唔夠啦, 我今朝一早去教會之前, 同細佬初鼻哥講定, 叫佢買半隻燒鴨返黎..... 緊係啦, 如果我真係煮到唔食得, 都仲有半隻燒鴨打定底先呀嘛~ 

返完教會之後, 又去買材料, 要買菜心啦, 蝦啦, 牛肉啦, 突然諗起不如煮多樣野, 見到有三文魚扒, 買左一舊~

之前已經上網check 左d菜式點整, 所以憑記憶去做~

首先, 將牛肉醃左先, 再醃埋條魚,  煲湯, 洗菜, 嘩~ 好忙呀, 大家睇下未煮前既材料先啦~

一切都算很順利~

開始煎魚扒既時候, 正想將條魚放落鑊, 阿媽問我: 你條魚有冇挖鱗?

挖鱗? 乜要挖鱗咩? 唔係百佳挖左先賣lu 咩?

好彩未落鑊即, 如果唔係, 就要連鱗食啦......

立刻開始挖魚鱗, 呢個程序令我諗起上幾集既美女廚房~

嘩, 搞下搞下, 搞左兩個鐘, 終於搞掂, 大家睇下個成果, 都似模似樣~

今餐既晚飯就係咁啦~

請注意, 燒鴨係海港買既, 午餐肉係因為雞脾哥要留飯, 所以後加既~

係時候要比d評語自己啦:

1. 愛心炒牛肉: 菜心好甜wor, 緊係啦, 因為用愛心整既, 牛肉有點韌, 但我已經無加鹽啦, 可能炒得內左, 同埋唔係咁入味, 相信醃既時間唔夠長~

2. 三文魚扒: ok wor, 唔算太腥, 我加左沙律醬黎點, 但唔點醬都ok~

3. 白"桌"蝦: 呢一味都好難會難食, 只要時間啱, 就無問題啦, 所以都 ok~

4. 豆腐粟米羹: 水加得多左, 所以有點"希" ~ 

感受:

今次成餐飯都係自己整, 好有挑戰性, 雖然菜式好似無咩難度, 但對我呢個地獄廚神黎講, 困難就一定有, 好緊張呀, 如果比自己分數, 我諗都有65分~

因為一次過整幾樣野, 呢兩個鐘好忙呀, 不過呢餐又加強左我既信心, 知道自已好有進步, 繼續努力, Yeah~ 

而我都深深體會到媽媽每天煮飯既辛苦!

我媽媽食完呢餐都好開心呢~

Happy Mother's Day~