記得N年前有本書好hit, 叫做«達文西密碼», 好多人都買左黎睇, 自己亦係其中一份子, 但當時扮勁, 買左本英文版黎睇, 一打開本書, 十個字有七個唔明點解, 書中有好多地方名, 團體名, 人名, 名畫名.......
嘩~ 要check 一大輪先知佢講緊咩, 慢慢地唯有放棄, 最後都睇左«達文西密碼»電影版~
今次呢套«Angels & Demons», 我無睇過書, 亦無睇影評, 所以唔知同«Da Vinci Code»有無關聯, 我只係知道, 呢套戲同樣由Tom Hanks主演~
(內有劇情)
其實今次唔係咁想寫劇情擇要, 因為我覺得好難寫, 以我既level, 就算用好多字都寫唔到呢套戲既精髓, 如果真係想知套戲係講咩, 麻煩大家睇下d電影網啦~
梵蒂岡係世界最細既國家, 人口只有900人, 是天主教既總部, 戲內有好多特別既雕塑, 教堂等, 好有特式, 我唔知係咪所有人都可以去梵蒂岡旅行呢?
講返套戲, 劇情都算緊湊, 兩個多小時沒有悶場, 但開頭講左d背景我有點跟唔上, 我個腦轉得慢, 諗得黎都轉左另一幕~
點解我會話估佢唔到呢?
其實又唔係估唔到wor...... (我講緊咩呀?)
其中一幕講個警司被總管話佢係“光明會”既人, 之後被人殺死......
我心諗: 好似怪怪地wor, 無理由咁簡單 (當自己係神探伽俐略)
但之後既劇情又好似順理成章咁wor, 以為呢個就係結局, 準備走人, 點知套戲仲未做完, 而且好戲在後頭~
最後結局同我所諗既有點相似, 當然內裡既故事我估唔到啦~
點解叫«天使與魔鬼», 我諗佢係想講緊同一個人既不同表現~
如果想知結局點出人意表, 入場睇下啦~
