唔知大家會唔會有同樣感受, 在工作方面, 每一日都要面對好多好多文件, 例如信件, 公司memo 等, 大家都可以一一處理~

在公司, 每一日要與唔同人溝通溝通,   大家都可以一一應付~

Filing 既就Filing, 要send 比人就send 比人, 完全無問題~

但放左工呢?

當回到家裡, 見親呢d文件, 心裡覺得好討厭~

每一天, 都會收到不同既文件, 例如 銀行信, 推廣信, 宣傳特刊, 好多好多, 一見到就頭暈~

雖然屋企收到既信無公司咁多, 但唔知點解每一次見到都唔想理佢, 希望佢快點消失......

Bank Statement 就緊係一定要處理啦, 但好怕收到d宣傳信, 如銀行推廣借貸信, 雖然掉去垃圾筒係好容易, 但掉之前又要將收信人既資料撕去, 好煩呀~

可能係公司已經要處理好多文件, 搞到係屋企都唔想再做同樣既野~

因為公司每一天實在要同好多人溝通, 搞到返到屋企都唔想講野, 我既msn都好內無online過, 我諗d人會以為我消失左~

近排(其實都唔只近排), 一直好忙, 一返到公司就好似打仗咁, 個pat pat 一坐落張櫈時, 就好似痴住左咁, 真係勁急時才飛奔走去toilet, 好惓呀~

連個Blog 都好似少寫左......

不過多得好朋友體諒, 約去街都特登加以遷就, I Love You so much~

雖然好忙, 但每一天都過得很充實, 實在好感謝~

凡勞苦擔重擔的人可以到我這裡來，我就使你們得安息。

我心裡柔和謙卑，你們當負我的軛，學我的樣式；這樣，你們心裡就必得享安息。

因為我的軛是容易的，我的擔子是輕省的。

(馬太褔音: 11章28-30節)